په افغانستان کې تمدن ټلویزیون اعلان کړی چې د طالبانو ځواکونو ، په کابل کې د دغه رسنیز مرکز پر مرکزي دفتر له یرغل وروسته د دې شبکې خپرونې بندې کړې دي. تر دې وړاندې تمدن ټلویزیون د طالبانو د یرغل خبر ورکړی وو او ویلي یې وو چې د خپرونو لړۍ یې هره شېبه د بندېدو له ګواښ سره مخ ده.
تمدن ټلویزیون نن سهشنبه اعلان وکړ چې د تاسوعا او عاشورا د رارسېدو په هممهال د طالبانو ځواکونو د دې رسنۍ پر دفتر یرغل کړی دی.
دې شبکې له وګړو غوښتي چې دغه موضوع له حساسیت سره وڅاري او همدارنګه یې د راتلونکو بدلونونو په اړه د ښاریانو پر هوښیارۍ ټینګار کړی دی.
