د معمار خبري اژانس د راپور له مخې؛ استاد محمدعلي فروغي، د افغانستان وتلی او نوموتی قاري، وتوانېد چې په عراق کې د قرآن کریم د نړیوالو سیالیو لومړی مقام خپل کړي.
دغه وتلي قاري د بېلابېلو هېوادونو د ګډونوالو ترمنځ د خپل ځلاند فعالیت له امله د دغو نړیوالو سیالیو لومړی ځای خپل کړ او د افغانستان د قرآني ټولنې لپاره یې یو بل ویاړ ثبت کړ.
د استاد فروغي د دې بریا هرکلی د هېواد د قرآني چارو د فعالانو او بنسټونو له خوا په پراخه کچه سوی او یو ځل بیا یې په نړیوالو ډګرونو کې د افغان قاریانو وړتیا او ځلېدنه نندارې ته وړاندې کړې ده.
استاد محمدعلي فروغي له دې وړاندې هم د قرآن کریم په نړیوالو سیالیو او غونډو کې بریالی ګډون درلود او د افغانستان له پېژندل سویو قرآني څېرو څخه شمېرل کېږي.
دغه نسخه د معمار خبري اژانس د «فرهنګي ـ ديني» څانګې د خپرېدو لپاره چمتو سوې ده.
