د معمار خبري آژانس د راپور له مخې ؛ عراقي رسنیو نن سهار (۶ اپرېل ۲۰۲۶) د اسلام او تشیع د دیني نړۍ د ستر او وتلي مرجع آیتالله العظمی شیخ محمد اسحاق فیاض د مړینې خبر ورکړ.
د دې سترې غمیزې په تعقیب، د عراق ولسمشر نزار آمیدي او لومړي وزیر علي الزیدي په جلا جلا پیغامونو کې د دې دیني عالم او روحاني شخصیت مړینه د اسلامي نړۍ لپاره ستره ضایعه بللې او تسلیت یې وړاندې کړی دی.
الزیدي په خپل پیغام کې ویلي: «د تحقیق، اجتهاد او اسلامي علومو ډګر نن له داسې پاتې کېدونکي فقیه او مرجع څخه بېبرخې سوو چې د فکر او تدریس په نړۍ کې یې ژور اغېز پرې ایښی دی.» هغه زیاته کړې چې د آیتالله شیخ محمد اسحاق فیاض (قدس سره) د مړینې له امله په ټول هېواد کې درې ورځنې ملي ماتم اعلان سوی دی.
د همغږۍ چوکاټ (الإطار التنسیقي) هم په یوه اعلامیه کې د عید غدیر د جشن مراسم لغوه کړي او د دې ستر مرجع مړینه یې د اسلامي نړۍ لپاره د تسلیت وړ بللې ده.
