سیمه ایزې سرچینې د بدخشان ولایت په راغستان ولسوالۍ د خلدسک کلي څخه د یوې ټکان ورکوونکې پېښې خبر ورکوي؛ هغه پېښه چې د یوې ۱۲ کلنې انجلۍ ژوند یې واخیست.
د ترلاسه سویو معلوماتو له مخې، ۱۲ کلنه بيبي خدیجه د نورمحمد لور، د ۱۴۰۵ کال د ثور د میاشتې په ۱۰مه، د چهارشنبې ورځې د ماسپښین شاوخوا یوه بجه د څښاک اوبو راوړلو لپاره د «دهګه» په کلی کې له خپل کوره وتلې وه، خو څو شېبې وروسته لا درکه سوه.
د سرچینو په وینا، له کور څخه د هغې تر وتلو شاوخوا نیم ساعت وروسته، مور او خور یې د اوبو له چینې شاوخوا ۱۴ متره لیرې په یوه ګوښه سیمه کې د هغې جسد وموند.
لومړنۍ څېړنې ښايي چې ښايي د دې جنایت انګېزه جنسي تېری وي، خو سیمه ایزو چارواکو تر اوسه د دې قضیې وروستي جزئیات نه دي تایید کړي.
د طالبانو سیمه ایزو مسوولینو ویلي چې د دې پېښې په تړاو د شاوخوا کلیو یو اوسېدونکی نیول سوی دی. خو د اصلي عامل د پېژندنې او د قضیې د ټولو اړخونو د روښانېدو لپاره څېړنې لا هم روانې دي.
