د معمار خبري اژانس د راپور له مخې، د هرات ولايت د دهميري سيمې د ترهګريز بريد د شهيدانو د ياد غونډه، د ۱۴۰۵ کال د حمل پر ۲۸مه د جمعې په ورځ، د افغان کډوالو په پراخ ګډون په مشهد کې د هراتيانو په حسينيه کي ترسره سوه.
په دې مراسمو کي ګډونوالو د دې پېښې قربانيانو ته درناوی وکړ، د هغوی ياد يې ژوندی وساته او د شهيدانو له کورنيو سره يې خواخوږي څرګنده کړه.
ګډونوالو په دې مراسمو کي د کډوالو ترمنځ د يووالي، خواخوږۍ او ټولنيزو اړيکو د ساتلو پر ارزښت ټينګار وکړ.
