د افغانستان لپاره د اروپايي ټولنې استازولۍ د کوچني اختر په رارسېدو د هېواد خلکو ته مبارکي ویلې او افغان کورنیو ته یې د سولې او خوښۍ هیله کړې ده.
دې ادارې په خپل پیغام کې لیکلي چې د سپوږمۍ په لیدلو او د روژې مبارکې په پای ته رسېدو سره، خپلو تودی مبارکي هر افغان ته وړاندې کوي.
اروپايي ټولنې په دې پیغام کې زیاته کړې چې هیله لري کوچنی اختر د ټولو لپاره د رڼا، خوښۍ او ارامۍ نوی پړاو راولي.
د پیغام په پای کې راغلي چې اروپايي ټولنه «نن او هره ورځ» د افغانستان د خلکو ترڅنګ ولاړه ده.
