د کډوالۍ نړيوال سازمان اعلان کړی دئ چي په افغانستان کي شاوخوا ۱۴ ميليونه کسان روغتيايي خدمتونو ته د لاسرسي لپاره مرستي ته اړتيا لري.
دې سازمان د روغتيا د نړيوالي ورځي په مناسبت ټينګار کړی دئ چي درملنه يو حياتي ضرورت دئ، نه کوم امتياز.
د کډوالۍ نړيوال سازمان ويلي دي چي د افغانستان ته د بېرته راستانه سوو ډېرو پناه غوښتونکو لپاره يې هڅه کړې ده چي بېړنيو او حياتي روغتيايي پاملرنو ته د لاسرسي زمينه برابره کړي.
