طالبانو د روغتیا وزارت: د افغانستان روغتیايي سیستم له جدي ننګونو سره مخ دی

د معمار پرس د خبر له مخې: دا خبره د طالبانو د عامې روغتیا سرپرست وزیر نورجلال جلالي کړې ده چي د افغانستان روغتیايي سیستم دا مهال له جدي ستونزو او ننګونو سره مخ دی. جلالي په هغه پروګرام کې چې د عامې روغتيا وزارت د ۴۵۰ بستونو لپاره د الکترونيکي ازموينې د اخيستلو په موخه جوړه شوې وه وويل چې وزارت هڅه کوي دغه ننګونې ژر حل کړي. جلالي ټینګار وکړ چې روغتیايي خدمتونو ته لاسرسی د افغانانو حق دی او د عامې روغتیا وزارت به په دې برخه کې خپلو هڅو ته دوام ورکړي.