د افغانستان داخلي رسنیو راپور ورکړی چې ، حبیبالرحمن نوري ، د پکتیا ولایت اوسېدونکي د امیر حبیبالله خان د دورې یوه تاریخي توره ملي موزیم ته سپارلې ده.
د نوموړي په وینا، دا توره چې له سلو کلونو څخه زیات تاریخ لري، له نیکونو څخه ورته په میراث پاتې سوې ده. هغه وایي چې نیکه یې د امیر حبیبالله خان له ساتونکو څخه وو او همدې تورې سره یې د انګریزي ځواکونو پر ضد مبارزه کړې ده.
مولوي عتیقالله عزیزی ، د طالبانو د اطلاعاتو او کلتور وزارت د فرهنګ او هنر مرستیال ، چې د دې تاریخي اثر د سپارلو په مراسمو کې حاضر وو، د نوري له دې اقدامه ستاینه کړې ده.
