د معمار خبري آژانس د راپور له مخې، د افغانستان یو شمېر اوسېدونکو د شنبې په ورځ د جرمني په لایپزیګ ښار کې د اعتراضیه غونډې په ترڅ کې د عدالت او د افغانانو د اساسي حقونو د تأمین غوښتنه وکړه.
دغه غونډه په هرات ولایت کې د شیعه وګړو پر وړاندې د وروستي برید په غبرګون کې ترسره سوه. ګډونوالو د شعارونو په ورکولو او د لوحو په درلودلو سره دغه پېښه وغندله.
اعتراض کوونکو ټینګار وکړ چې د دوی موخه د قربانیانو غږ نړیوالو ته رسول او په افغانستان کې د امنیتي او بشري حقونو وضعیت ته د نړیوالې ټولنې د پاملرنې راجلبول دي.
د دې برید د غندلو ترڅنګ، ګډونوالو د افغانو انجونو او ښځو د حقونو د ملاتړ پر اړتیا هم ټینګار وکړ. هغوی د ښځو پر زدهکړې، کار او ټولنیز حضور موجود محدودیتونه اندېښمنوونکي وبلل او له نړیوالو بنسټونو یې د عملي اقدام غوښتنه وکړه.
د دې غونډې تنظیموونکو ویلي چې دا ډول حرکتونه به دوام ولري څو د افغانستان وضعیت، په ځانګړي ډول د بشري حقونو او د وګړو د امنیت په برخه کې، د نړۍ پام روان وساتل سي.
