د معمار خبري اژانس راپور له مخې؛ عبدالسلام حنفي، د طالبانو رئیسالوزرا اداري مرستیال، په کابل پوهنتون کې د هبتالله آخندزاده فرمانونو د څېړنې په ناسته کې وویل چې هېڅ نظام په ظلم او بېعدالتۍ نه شي ټینګ پاتې کېدای او ټینګار یې وکړ چې د بندیانو، حتی د هغو کسانو چې د طالبانو پر ضد جنګېدلي دي، حقونه باید رعایت شي.
هغه وویل چې د هبتالله آخندزاده په حکم د زندانونو وضعیت څېړل شوی او یو میلیارد افغانۍ هم د بندیانو د شرایطو ښه کولو لپاره ځانګړې شوې دي. حنفي همدارنګه د جګړې د دواړو لورو د وژل شوو کسانو د کورنیو لپاره د طالبانو د ملاتړ خبره وکړه.
دا څرګندونې په داسې حال کې وړاندې کېږي چې ملګري ملتونه او یوناما لا هم د طالبانو عمومي عفوې د اعلان سره سره د افغانستان ځینو پخوانیو چارواکو او امنیتي ځواکونو پر وړاندې د خودسر نیول کېدو، وژنه او د بشري حقونو د نقض موارد راپور ورکوي
اړوند مطالب:




