د معمار خبري اژانس راپور له مخې؛ الکساندر زویف، د ملګرو ملتونو سرمنشي مرستیال د تروریزم پر وړاندې د مبارزې په چارو کې،په افغانستان کې د تروریستي ډلو عملیاتي توان او تحرکاتو د زیاتېدو په اړه خبرداری ورکړی دی.
د ملګرو ملتونو سرمنشي مرستیال د تروریزم پر وړاندې مبارزې په چارو کې د روسیې تاس خبري اژانس سره په خبرو کې ویلي دي چې تروریستي ډلې، د القاعدې او داعش، په ګډون افغانستان کې فعالیت لري.
د زویف په وینا، خراسان داعش څانګه پر کابل کې طالب چارواکو د پام وړ فشار راوړي او هڅه کوي چې بریدونه هم د افغانستان په داخل او هم د دې هېواد بهر ترسره کړي.
د ملګرو ملتونو دغه چارواکي زیاته کړې ده چې د خراسان داعش ښکاره د خپل توان بیا رغونه کوي او د ملګرو ملتونو د ځینو غړو هېوادونو څخه د ترلاسه شوو معلوماتو له مخې، د عصري تاکتیکي تجهیزاتو، په ګډون د بېپیلوټه الوتکو، ته لاسرسی لري.
زویف ټینګار کړی دی چې دې ډلې ته د داسې تجهیزاتو لاسرسی جلا ننګونه ګڼل کېږي او د رسیدګۍ او ګډ اقدام غوښتنه کوي.
د ملګرو ملتونو مرستیال همدارنګه ویلي دي چې د پاکستان د طالبانو تحریک ډله چې په افغانستان کې مېشته ده، له القاعدې سره نږدې اړیکې لري او تروریستي بریدونه یې په عمده ډول پاکستان په نښه کوي.




