د معمار خبري اژانس د راپور له مخي؛ په تهران کي د مېشت خبريال د معلوماتو له مخې، د نوې تګلارې پر بنسټ د تهران د کفالت په دفترونو کي د افغان کډوالو لپاره د موټر او موټرسايکل د چلولو د جواز بيې ټاکل سوي او اعلان سوي دي.
د دې بيې له مخې، د موټر د چلولو د جواز د اخيستلو لګښت ۳۲ ميليونه او ۳۵۰ زره ريال ټاکل سوی دی چي د ۳ ميليونه او ۲۳۵ زره تومان سره برابر دی.
همدارنګه د موټرسايکل د چلولو د جواز لګښت هم ۳۲ ميليونه او ۳۵۰ زره ريال اعلان سوی دی چي د ۳ ميليونه او ۲۳۵ زره تومان سره برابر دی.
د دې تګلارې له مخې، که غوښتونکی په يو وخت کي د موټر او موټرسايکل د چلولو د جواز غوښتنه وکړي، نو ټول لګښت به ۶۲ ميليونه او ۱۰۰ زره ريال وي چي د ۶ ميليونه او ۲۱۰ زره تومان سره برابر دی.
ويل سوي دي چي دا بيې يوازي د کفالت دفترونو د خدمتونو اړوند دي، او د ترافيکو پوليسو او د موټر چلولو د ښوونځيو لګښتونه بېل حسابيږي.
