د چمن – سپین بولدک دروازه یوازې د بېرته ستنېدونکو کډوالو لپاره پرانیستل سوې

د معمار خبري آژانس د راپور له مخې، د کندهار ولایت د سپین بولدک ولسوالۍ مطبوعاتي مسؤول محمدعلي حقمل (د دوشنبې په ورځ) وویل چې د چمن – سپین بولدک پوله یوازې د هغو کډوالو لپاره پرانیستل سوې ده چې په تېرو څو ورځو کې د پولې هغې خوا، د پاکستان په خاوره کې بند پاتې وو. هغه زیاته کړه، دا اقدام موقتي دی او دروازه لا هم د عادي مسافرو او سوداګریز ترانزیټ لپاره تړلې ده. د حقمل په وینا: «د افغانستان د حکومت له لوري د پولې د بشپړ پرانیستلو هېڅ خنډ نسته، او تړل یې یوازې د پاکستان د لوري پرېکړې پورې اړه لري.» د چمن – سپین بولدک پوله د افغانستان او پاکستان تر منځ د تګ راتګ له مهمو لارو څخه ده چې په وروستیو اوونیو کې د دواړو هېوادونو تر منځ د سیاسي او امنیتي ترینګلتیا له امله څو ځله تړل سوې ده.