د طالبانو د کډوالو وزیر: د افغانستان کډوالو د دین د ساتنې لپاره مهاجرت کړی

د معمار خبري آژانس د راپور له مخې؛ مولوي عبدالکبیر، د طالبانو سرپرست حکومت د کډوالو او راستنېدونکو چارو وزیر، په یوه غونډه کې چې د پاکستان د کډوالو چارو سلاکارانو سره ترسره سوه، وویل هغه افغانان چې په بهر، په ځانګړې توګه په پاکستان کې ژوند کوي یا تازه هیواد ته راستانه سوي، د خپل دین د ساتنې لپاره مهاجرت کړی وو. په دې غونډه کې د طالبانو استازو په پاکستان کې هم د اداري تشکیلاتو د سمون او د کډوالو لپاره د خدماتو د ښه‌والي په اړه وړاندیزونه وړاندې کړل.