په بامیان ولایت کې سیمهییزې سرچینې وایي چې د طالبانو د استخباراتو د ریاست مامورینو شاوخوا څلور ورځې وړاندې د دې ولایت په «ښار نو» سیمې کې د بامیان راډیو پر دفتر ورننوتې او د دې رسنۍ دروازه یې مهر او لاک کړې ده.
د سرچینو په وینا، طالبانو پرته له دې چې کوم رسمي وضاحت وړاندې کړي، د دې راډیو نشرات یې هم درولي دي.
بامیان راډیو د بامیان ولایت له پخوانیو او پېژندل سویو غږیزو رسنیو څخه ګڼل کېږي چې د بېلابېلو پروګرامونو له لارې یې د دې ولایت پېښې او سیمهییز موضوعات خپرول.
تر اوسه په بامیان کې طالب چارواکو د دې رسنۍ د فعالیت د بندېدو او د استخباراتو د ځواکونو د اقدام په اړه رسمي څرګندونې نه دي کړې.
