د طالبانو د پېښو پر وړاندې د مبارزې د چمتووالي ملي ادارې اعلان کړی چې په نورستان ولایت کې د وروستیو سېلابونو د قربانیانو شمېر ۲۳ مړه او ۸۰ ټپیانو ته رسېدلی دی. د دې ادارې د معلوماتو له مخې، نږدې ۱۰۰ کسان لا هم لادرکه دي او د نادرکه کسانو د موندلو لپاره د لټون عملیات دوام لري.
د طالبانو د پېښو پر وړاندې د مبارزې د چمتووالي ملي ادارې راپور ورکړی چې د نادرکه کسانو د موندلو لپاره د لټون عملیات لا هم روان دي او د قربانیانو شمېر ښایي زیات سي.
یوسف حماد ، د طالبانو د پېښو پر وړاندې د مبارزې د چمتووالي د ملي ادارې ویاند ویلي چې د ژغورنې او لټون ډلې د زیانمنو سویو کسانو د مرستې او د لادرکه کسانو د موندلو لپاره د پېښې سیمې ته استول سوي دي.
هغه زیاته کړې چې د مرستو د عملیاتو د دوام او زیانمنو سیمو ته د لاسرسي له زیاتېدو سره ښایي د مړو، ټپیانو او لادرکه کسانو د شمېر د بدلون اټکل شتون ولري.
طالبانو تر دې وړاندې هم د نورستان ولایت په مندول ولسوالۍ کې د سختو بارانونو او سېلابونو له امله د پراخو مالي زیانونو خبر ورکړی وو. د دوی په وینا، دغو سېلابونو د سیمې د اوسېدونکو کورونو، کرنیزو ځمکو او شتمنیو ته زیان رسولی دی.
