د معمار خبري اژانس د راپور له مخې؛ محمد ناصر آخوند، د طالبانو د حکومت مالیې وزیر، د یو پلاوي په مشرۍ او د ایران د اسلامي جمهوریت د کرنې جهاد وزیر په رسمي بلنې تهران ته سفر وکړ.
د طالبانو مالیې وزارت د اعلان له مخې، هغه به په دې سفر کې له ایراني چارواکو سره د دوهاړخیزو اقتصادي، سوداګریزو او ګمرکي مسائلو په اړه کتنې او خبرې اترې وکړي.
همدارنګه د ایران او افغانستان د ګډ اقتصادي کمیسیون د راتلونکې ناستې اجنډا د اصلي محورونو څېړل هم د دې سفر له نورو پروګرامونو دي.




