ملګري ملتونه: د وريجو د کر او تولید بهیر په افغانستان کې پیاوړی کېږي

د معمار خبري آژانس د راپور له مخې؛ د ملګرو ملتونو د خوړو او کرنې پروګرام – فائو ویلي چې د نړیوال بانک په همکارۍ به د وريجو کرنه او د لوړ کیفیت تخم تولید په افغانستان کې پیاوړی کړي. د ملګرو ملتونو د خوړو او کرنې پروګرام د رسنیو دفتر یکشنبه (د میزان ۶مه) د کروندګر او کرهڼیز فارم د ورځې په مناسبت اعلان کړی چې کروندګرو او د کرنې د پوهنځي غړو د کونړ د وریجو کروندو کې د وريجو د کرنې د ښه‌والي په اړه خبرې وکړې. فائو په خپله اعلامیه کې زیاته کړې: «هغه غوره لارې چې د لوړو حاصلاتو او د لوړ کیفیت لرونکي تولید ملاتړ کوي، شریکې سوې دي.» دغه ادارې ویلي چې د نړیوال بانک په همکارۍ، به د وريجو تولید په افغانستان کې پیاوړی کړي.