طالبانو له ایران څخه افغانستان ته د څلور زره بندیانو د استولو اعلان وکړ

د طالبانو د ویاند مرستیال حمدالله فطرت اعلان وکړ چې د ایران له زندانونو څخه څلور زره افغان بندیان چې افغانستان ته راستانه شوي دي. دا په داسې حال کې ده چې طالبانو تېره میاشت اعلان وکړ چې د بېلابېلو هېوادونو له زندانونو د بندیانو د خلاصون په لټه کې دي. د طالبانو د بهرنيو چارو وزارت د وياند مرستيال ضيا احمد تکل وايي، چې دغه وزارت د بېلابېلو هېوادونو ډېرى بنديان خوشې کړي او بېرته يې افغانستان ته استولي دي. هغه وويل چې په تېرو دريو کلونو کې د طالبانو د بهرنيو چارو وزارت هغه افغان اتباع چې په بېلابېلو هېوادونو لکه ايران، پاکستان او متحده عربي اماراتو کې بنديان وو، خوشې کړي دي. ټیکل همدارنګه زیاته کړه چې د دې مسلې د حل لپاره هڅې روانې دي.