د طالبانو د کار وزارت په کابل کې د کارګرانو ملي کنفرانس د جوړېدو اعلان وکړ

د معمار پرس د خبر له مخې؛ د طالبانو د کار او ټولنیزو چارو وزارت اعلان کړی، چې نن سه شنبه د اسد ۲ مه په کابل کې د کارګرانو ملي کنفرانس جوړ شوی دی. د طالبانو د کار او ټولنیزو چارو وزارت اعلان کړی چې دغه دوه ورځنی کنفرانس د بیکارۍ د عواملو د څیړلو او د کار د زمینې د برابرولو په موخه جوړ شوی دی. دغه وزارت تېره ورځ اعلان وکړ، چې په دې کنفرانس کې به پر دولتي ادارو سربېره د خصوصي سکتور، ملي او نړیوالو بنسټونو استازي هم ګډون وکړي. طالبانو په افغانستان کې د بې کارۍ د کچې په اړه څه نه دي ویلي.