طالبانو د یوناما له مشر سره په لیدنه کې د دوحې د ناستې د ژمنو د عملي کېدو غوښتنه وکړه

د معمار پرس د خبر له مخې؛ په دې کتنه کې موتاګي هيله څرګنده کړه چې د دوحې له غونډې وروسته به د مالي او بانکي بنديزونو د لرې کولو او دغه راز د کوکنارو د بديل کښت په موندلو کې پرمختګ وشي. له بلې خوا مېرمن اوتونبایوا د ملګرو ملتونو پر ژمنې ټینګار وکړ چې د دوحې د ناستې د پایلو د تعقیب لپاره به په افغانستان کې له اړوندو بنسټونو سره له نږدې کار وکړي. نوموړي همداراز اعلان وکړ چې ملګري ملتونه به د دوحې له غونډې وروسته په کابل کې د مېشتو دیپلوماتانو لپاره معلوماتي غونډې جوړوي، څو هغوی ته د ستونزو په اړه معلومات ورکړي.