د افغان کډوالو په اړه د ملګرو ملتونو عالي کمېشنرۍ له پاکستاني چارواکو سره خبرې کړې دي

د معمار پرس د خبر له مخې؛ د کډوالو لپاره د ملګرو ملتونو عالي کمیشنر فیلیپو ګراندي نن سه شنبه د سرطان په ۱۹ مه وویل چی پاکستان ته د خپل سفر په ترڅ کې د لومړي وزیر شهباز شریف او د بهرنیو چارو وزیر اسحاق ډار په ګډون له پاکستاني چارواکو سره په پاکستان کې د افغان کډوالو او د هغوی د ستونزو په اړه خبرې کړې دي. ګراندي زیاتوي، چې د پاکستان له لومړي وزیر سره یې د خبرو تمرکز د نړیوالې ټولنې په ملاتړ د افغان کډوالو وضعیت ته د عادلانه او دوامداره حل لارو موندل وو.