د ترکش ایرلاین لومړۍ الوتنه له استانبول څخه کابل ته

د معمار پرس د خبر له مخې؛ د طالبانو د حکومت د ترانسپورت او هوايي چلند وزارت نن سه شنبه (د جوزا لومړۍ نېټه) اعلان وکړ چی ترکش ایرلاین له درې کلن ځنډ وروسته کابل ته خپلې الوتنې بیا پیل کړې. د طالبانو د حکومت د ترانسپورت او هوايي چلند وزارت اعلان وکړ چې دغه شرکت نن سهار له استانبول څخه کابل ته لومړۍ الوتنه وکړه. باید وویل شي، چې په افغانستان کې د طالبانو له واکمنۍ سره د افغانستان له هوايي ډګرونو ټولې نړیوالې الوتنې وځنډول شوې او له نږدې درې کلونو وروسته هم نړیوالو شرکتونو افغانستان ته خپلې الوتنې نه دي پیل کړي.