د طالبانو د بهرنیو چارو وزارت اعلان کړی چې د افغانستان لپاره د هند ځانګړي استازي “جي پي سینګ” کابل ته د خپل سفر په ترڅ کې د طالب چارواکو تر څنګ له اقتصادي فعالانو او سوداګرو سره وکتل. د طالبانو د ډلې د بهرنیو چارو د وزارت د ویاند مرستیال حافظ ضیا احمد تېره شپه په خپله ایکس پاڼه کې لیکلي چې افغان سوداګرو د افغانستان او هند تر منځ دوه اړخیزه سوداګري د دواړو هېوادونو د اقتصادي ودې لپاره ارزښتناکه وبلله او له هند څخه یې د دوه اړخیزې سوداګرۍ د ودې او پراختیا، د دې لارې د پرتو خنډونو د حل او افغان سوداګرو ته د ویزو په ورکولو کې د اسانتیاوو د رامنځته کولو غوښتنه وکړه. د هند ځانګړي استازي په کابل کې له یو شمېر اقتصادي فعالانو او سوداګرو سره په کتنه کې ټینګار وکړ چې د دواړو هېوادونو ترمنځ به سوداګریزې ستونزې هوارې شي. افغان سوداګرو د چابهار بندر له لارې د سوداګرۍ پر وړاندې شته ستونزو ته اشاره وکړه او په ځواب کې یې ښاغلي سنګ ژمنه وکړه چې د دغو ستونزو د حل لپاره به جدي هڅې وکړي.
- 43
- کې خپور شو 1:10 ب.ظ
- د خبر شمیره 7913
- 19 حوت 1402
- کې خپور شو 1:10 ب.ظ
- د خبر شمیره 7913
- 19 حوت 1402
- خبرونه
- تازه تازه 13:10 - 19 حوت 1402
- لنډ لینک: https://memar.press/?p=7913
Facebook
Twitter
WhatsApp
Telegram
Email
اړوند خبرونه
Subscribe
0 دیدگاه ها