د دوحې غونډې ته په عین حال کې کابل ته د ګوتریش مرستیال سفر

په ورته وخت کې د افغانستان په اړه د دوحې له غونډې سره سم، طالبانو کابل ته د دغه سازمان د سرمنشي د مرستیال سفر اعلان کړ. د طالبانو د لومړي وزیر د اداري مرستیال مطبوعاتي دفتر نن یکشنبه (د دلو ۲۹مه) په یوه خبرپاڼه کې لیکلي: د ملګرو ملتونو د عمومي منشي مرستیال او د اسیا او ارام سمندر په چارو کې مشر کاني ویګناراجا د طالبانو د لومړي وزیر له مرستیال عبدالسلام حنفي سره وکتل. طالبانو په خپله خبرپاڼه کې ليکلي، چې مېرمن ويګناراجا په دې ليدنه کې د سفر د موخو د بيانولو پر مهال وويل: “په افغانستان کې شته امنیت او د اسلامي امارت د چارواکو همکاري به د ملګرو ملتونو له سازمانونو سره مرسته وکړي چې د افغانستان له خلکو سره خپلو مرستو ته دوام ورکړي.”