طالبانو له ۱۵ کلونو وروسته د یوه امریکايي مرستندویه کارکونکي جسد د هغه کورنۍ ته وسپارل

د سیډني میزل په نوم د یوې امریکايي ښوونکې مړی چې په ۲۰۰۸ کال کې د طالبانو له خوا له خپل موټر چلوونکي سره وتښتول شو، له ۱۵ کلونو وروسته په کلیفورنیا کې خپلې کورنۍ ته وسپارل شو. ډیلي میل ورځپاڼې د سه شنبې په شپه د دلو ۳مه راپور ورکړ چې د تحقیقاتو له مخې میزل په سر کې په مرمیو ویشتل شوی او وژل شوی دی. یوه پخواني امریکايي چارواکي، چې نوم یې په خبر کې نه دی یاد شوی ویلي، چې طالبان د دغه پنځوس کلن ښوونکي د وژنې مسوول دي. میلز په افغانستان کې له یوې امریکايي مرستندویه موسسې سره شاوخوا درې کاله کار کړی.