طالبان: تر ۱۴۳ زره جریبه زیاته دولتي ځمکې مو بېرته افغان حکومت ته سپارلې دي

د معمار پرس د خبر له مخې؛ د طالبانو له خوا د دولتي ځمکو د غصب د مخنیوي کمېسیون د دغه کمېسیون د فعالیت له پیل راهیسې په ټول هېواد کې شاوخوا ۱۴۳ زره جریبه غصب شوې ځمکې پېژندلې او بېرته راګرځولې دي. دغه کمیسیون یو کال وړاندې د کرنې، ښار جوړونې او ځمکو وزارتونو، بهرنیو چارو وزارت، عدلیې وزارت او د طالبانو د سترې محکمې د استازو په شتون کې جوړ شو. دغه کمېسیون نن یکشنبه د دلو په لومړۍ نېټه وویل چې د هېواد په ۷ ولایتونو کې یې ۱۴۳ زره ۴۲۷ جریبه دولتي ځمکه له څېړنو او تایید وروسته اړوندو ادارو ته سپارلې ده.