د مقاومت د جبهې د بهرنیو اړیکو مسوول: د فلسطین د جګړې په اړه څه نه دي ویل شوي

د افغانستان د ملي مقاومت د جبهې د بهرنیو اړیکو مسوول علي میثم نظري وايي، د فلسطین او اسرائیلو د جګړې په اړه د ده د خبرو خپرول درواغ دي. علي میثم نظري نن (سه شنبه، د جدي ۲۶مه) په خپله ایکس پاڼه لیکلي: “موږ په وار وار د طالبانو د تروریستي واکمنۍ او په سیمه او نړۍ کې د ناټو ځواکونو له وتلو وروسته د ترهګرۍ د پایلو د خطرونو په اړه خبرې کړې دي.” نظري زیاته کړه: په دې وروستیو کې په دې اړه او په سیمه کې د داعش او نورو ترهګرو ډلو د بریدونو په اړه څرګندونې شوې دي، خو په فلسطین کې د جګړې په اړه څه نه دي ویل شوي.