مولانا فضل الرحمن د طالبانو له مشر سره د لیدنې اعلان وکړ

د معمار پرس د خبر له مخې؛ د پاکستان د جمعیت اسلامي ګوند مشر مولانا فضل رحمان د جمعې په ورځ (د جدي ۱۵مه) د ازادي راډیو پښتو څانګې مشال راډیو ته وویل چې دا سفر به په راتلونکو څو ورځو کې ترسره شي. که دا غونډه ترسره شي، مولانا فضل الرحمان به دویم بهرنی چارواکی وي چې د طالبانو له خوا د افغانستان تر واک لاندې کېدو وروسته د دغې ډلې له مشر سره ګوري. تر دې وړاندې د قطر لومړي وزیر او د بهرنیو چارو وزیر شیخ محمد بن عبدالرحمن آل ثاني کندهار ته د خپل سفر پر مهال د طالبانو له مشر سره کتلي او خبرې یې ورسره کړې دي. تر دې مخکې د پاکستان د بهرنیو چارو وزارت افغانستان ته د مولانا فضل رحمان سفر یو شخصي سفر بللی و او په اړه یې څرګندونې نه وې کړې.