د پنجشیر خلک: د زمرد د ۴۰ نویو کانونو د کشف په اړه د طالبانو ادعا درواغ ده

د معمار پرس د خبر له مخې؛ د طالبانو له خوا په پنجشېر کې د زمرد د څلوېښتو نويو کانونو د کشف د خبر له پراخ خپرېدو وروسته، د پنجشېر ځايي اوسېدونکي دغه ډله په درواغو تورنوي. د طالبانو د اطلاعاتو او کلتور ریاست د چهارشنبې په ورځ د عقرب په ۲۴ مه د پنجشیر د کانونو او پټرولیم ریاست په حواله خبر ورکړ چې په پیریان ولسوالۍ کې د زمردو ۴۰ نوي ماینونه کشف شوي دي. د پنجشېر ځايي اوسېدونکي وايي چی په تېر وخت کې هم ډېری دغه کانونه استخراج کېدل.