د طالبانو د انرجۍ او اوبو وزارت چارواکي له ازبکستاني پلاوي سره د برېښنا او اوبو د مدیریت د پروجکتونو په اړه خبرې

د معمار پرس د خبر له مخې؛ د طالبانو د انرجۍ او اوبو وزارت په خبرپاڼه کې راغلي دي چې د ۵۰۰ کیلو ولټ سرخان-پلخمري، د امو په بحیره کې د ۲۲۰ کیلو ولټ برېښنا مزي د ترمیم، د وارداتي برېښنا د سیستم د څېړنې لپاره د ازبکستاني تخنیکي ټیم لېږل، د لا ډېرې وارداتي انرجۍ جذب، په افغانستان کې د ازبکستان د خصوصي سکټور پانګونه او اوبو مدیریت پروجکتونه د طالبانو او ازبک چارواکو تر منځ د خبرو اترو تمرکز وې. ازبکستاني لوري په کابل کې د دغه هېواد د پلاوي او طالبانو ترمنځ د خبرو په اړه څه نه دي ویلي.