د ایران د پارلمان لخوا مهاجرینو ته د بهرنیو اتباعو د ملي کارتونو د ورکولو احتمال

د معمار پرس د خبر له مخې؛ د ایران د پارلمان استازی محمد حسن آصفری د بهرنیو اتباعو د تنظیم لپاره د حکومت د لایحې او د پارلمان پلان د یو ځای کیدو ته په اشارې سره وویل: دغه طرحه د ولسي جرګې له عمومي تصويب وروسته د کورنيو چارو او شوراګانو په کمېسيون کې وڅېړل شوه او له شاوخوا درېيو مياشتو راهيسې په ولسي جرګه کې تر غور لاندې ده. محمد حسن آصفری له ISNA سره په مرکه کې وویل: له بده مرغه نن ورځ موږ د اتباعو لپاره مناسبه اداره نه لرو. د کار ریاست، کورنیو چارو وزارت، پولیس او ملي امنیت او ادارې هر یو د دغو اتباعو لپاره کارتونه ورکوي. په دې پلان کې تمه کیږي چې بهرنیو اتباعو ته به یو ملي کارت ورکړل شي چې د بهرنیو اتباعو ټول مسایل به له هغه وخته چې ایران ته داخلیږي وڅیړل شي.