په کابل کې د طالبانو پر یوه پوسته وسله وال برید او چاودنه شوې

د معمار پرس د خبر له مخې؛ راپورونه وايي، چې په کابل ښار کې د وسله والو طالبانو پر یوه پوسته چاودنه او برید شوې ده. سرچینې اعلان کړی، چې دغه برید د چهارشنبې په ورځ (د اسد ۲۵مه) شاوخوا ۸:۴۰ بجې د کابل ښار د ۱۱مې امنیتي حوزې اړوند د پنجشیر واټ سړک په سیمه کې د طالبانو په پوسته شوی دی. د معلوماتو له مخې لومړی د طالبانو په دغه پوسته کې چاودنه وشوه او وروسته جګړه رامنځته شوه. په دې جګړه کې د اوښتو تلفاتو او احتمالي زیانونو په اړه تر اوسه کره معلومات نشته.