لوړو زده کړو وزارت: خصوصي او دولتي پوهنتونونه باید له اجازې پرته له بهرنیو موسسو سره اړیکه ونه نیسي

د معمار پرس د خبر له مخې؛ د سرپرست حکومت د لوړو زده کړو وزارت په اعلامیه کې ویل شوي چې په دې وروستیو کې د تعلیمي بنسټونو یو شمېر چارواکو د بهرنیو سفارتونو، موسسو او بنسټونو له استازو سره لیدنه کړي او له همغږۍ پرته یې تعلیمي ادارو ته د بهرنیو بنسټونو د استازو د راتګ زمینه برابره کړې ده. د طالبانو د لوړو زده کړو وزارت وايي، دا کار د دغه وزارت د اداري معیارونو او پالیسۍ خلاف کار دی.