په کابل کې د مقاومت جبهې راکټي برید

د افغانستان د ملي مقاومت جبهې د شنبې په ورځ (جولای ۲۴) په یوه ټویټ کې اعلان وکړ چې د کابل په شمال کې د شکردرې په ولسوالۍ کې یې د طالبانو پر یوه پوسته د راکټي برید په ترڅ کې «درنه مرګ ژوبله» اړولې ده. د مقاومت جبهې اعلان وکړ چې دغه حمله تېره شپه د «غازې» په بازار کې شوې ده. د ملي مقاومت جبهې د طالبانو د مرګ ژوبلې په اړه دقیق معلومات نه دي ورکړي، خو اعلان یې کړی چې غړو ته یې زیان نه دی اوښتی.