د یادو سرتېرو د فراغت په مراسمو کې د کندهار ولایت سیمیزو چارواکو، د نظامي ادارو مسوولنیو، دیني عالمانو او سرتېرو ګډون کړی وو.
یادو سرتېرو ته عقیدوي، فکري، فن صلاح، تکتيکي او نظامي مسلکي زده کړې ورکړل شوې دي.
ځايي چارواکو په خپلو ویناوو کې له تازه فارغو شویو سرتېرو څخه غوښتنه وکړه، چې تر لاسه کړې زده کړې د اسلامي نظام د پايښت، هېواد ساتني او د خلکو لپاره د ښه خدمت په لار کې عملي کړي.
د یادونې وړ ده، چې د یادو مراسمو په پای کې فارغو شویو سرتېرو ته بري ليکونه او ښوونکو ته يې ستاینلیکونه ورکړل شول.
