عبدالسلام حنفي: موږ د پاسپورټونو او زیږون د سندونو په چاپولو کې له محدودیتونو سره مخ یو

د معمار پرس د خبر له مخې؛ د طالبانو د لومړي وزیر اداري مرستیال عبدالسلام حنفي چې د یکشنبې په ورځ (د قوس ۲۷مه) په کابل کې د مهاجرینو د نړیوالې ورځې د نمانځنې په پروګرام کې وویل چي د اتباع د پاسپورټونو او زیږون سندونو د چاپ په برخه کې له محدودیتونو سره مخ دي. حنفي زیاتوي چې د نړیوالې ټولنې لخوا لګول شوي محدودیتونه د طالبانو حکومت د دې لامل شوي چې هېوادوالو ته اجازه ورنکړي چې پاسپورټونه او د زیږون سندونه چاپ کړي. د يادونې وړ ده، چې په ټول هېواد کې د پاسپورټونو د وېش لړۍ په ټپه درېدلې ده. په هېواد کې د پاسپورټ د وېش بهیر دوام د هېوادوالو له شکایتونو او نیوکو سره مخ شوی دی.