د معمار وحدت د خبری آژانس د خبر له مخې؛ عبدالله عبدالله پر خپله فیسبوک پاڼه لیکلي، چې په دې ټیلیفوني تماس کې د افغانانو ترمنځ پر ملي او واقعي خبرو چې ملي یووالی او مشارکت به پیاوړی کوي، هم ټینګار شوی دی.
ښاغلي عبدالله زیاته کړه چې په دې خبرو کې د افغانستان له خلکو سره د امریکا متحدو ایالتونو د بشري مرستو پر دوام هم خبرې وشوې.
دا په داسې حال کې ده، چې په هېواد کې د نجونو د ښوونځيو د تړلو له ۴۰۰ ډېرې ورځې تېرې شوې دي.
باید وویل شي، چې توماس ویسټ تر دې مخکې له پخواني ولسمشر حامد کرزي او په ترکیه کې له یو شمېر افغان سیاسي فعالانو او خبریالانو سره په خبرو کې په افغانستان کې د ملي خبري اتري پر جوړېدو ټینګار کړی و.
