ګوانتانامو ته د کډوالو د لیږدولو په اړه د ټرمپ ادارې پر ضد شکایت

د معمار پرس د خبر له مخې؛ د امریکا د مدني آزادیو اتحادیې د ګوانتانامو توقیف ځای ته د توقیف شویو کډوالو د لیږدولو په اړه د ټرمپ ادارې پر ضد شکایت کړې ده. د راپورونو له مخې، د امریکا حکومت د فبروري په لومړیو کې د دې پالیسۍ پلي کول پیل کړي دي. د رویټرز په وینا، د مدني حقونو ډلې ویلي چې دا کډوال به په سختو شرایطو کې د کیوبا ګوانتانامو ته ولیږدول شي، او دا ممکنه ده چې دوی به د سختو شرایطو له امله “ځان وژنې هڅه” وکړي. د امریکا د مدني آزادیو اتحادیې، چې په واشنګټن ډي سي کې یې په فدرالي محکمه کې شکایت کړې، ویلي چې بهر ته د بندیانو لیږدول او بې بنسټه ویره رامینځته کول د متحده ایالاتو د کډوالۍ قوانینو څخه سرغړونه ده.