فرانسې د پناه غوښتونکو د اخراج شمېر په ډراماتیک ډول زیات کړي دي

د معمار پرس د خبر له مخې؛ د فرانسې د کورنیو چارو وزارت نوې احصایې ښیي چې په ۲۰۲۴ کال کې له هیواد څخه د کډوالو د ایستلو شمیر د ۲۰۲۳ کال په پرتله ۲۷٪ زیات شوی دی. همدارنګه، د دې احصایو له مخې، د هغو خلکو شمیر چې په فرانسه کې د قانوني استوګنې په ترلاسه کولو کې بریالي شوي دي ۱۰٪ کم شوی دی. په فرانسه کې د قانوني استوګنې جواز پرته د خلکو لپاره د استوګنې د قانوني کولو په پروسه کې دا د پام وړ کمښت له ۲۰۲۰ کال راهیسې لومړی ځل دی چې لیدل کیږي. پخوا، د دې خلکو لپاره د استوګنې د قانوني کولو پروسه په دوامداره توګه مخ په زیاتیدو وه.