د روسیې د بهرنیو چارو وزیر: د اوکراین په جګړه کې عادلانه موافقې ته رسیدل باید د سرغړونې وړ نه وي

د معمار پرس د خبر له مخې؛ د روسیې د بهرنیو چارو وزیر سرګي لاوروف نن (چهارشنبه) اعلان وکړ چې په اوکراین کې د شخړې بندول باید د قانوني تړونونو پر بنسټ وي چې سرغړونه یې ناممکنه وي. هغه دا څرګندونې د قرغزستان د بهرنیو چارو وزیر جین‌بیک کولیبایف سره له لیدنې وروسته په یوه مطبوعاتي کنفرانس کې وکړې. دا څرګندونې په داسې حال کې کیږي چې په اوکراین کې جګړه دوام لري او د روسیې او نورو نړیوالو لوبغاړو لخوا د کړکیچ لپاره د یوې جامع او باوري حل لارې د موندلو لپاره ډیپلوماټیکې هڅې روانې دي.