له ایران څخه تر یو ملیون ډیر افغان کډوال هیواد ته راستانه شوي دي

د معمار پرس د خبر له مخې؛ د مهاجرت نړیوال سازمان اعلان وکړ چې په ۲۰۲۴ کال کې، له ۱.۲ ملیون څخه ډیر افغان کډوال له ایران څخه افغانستان ته راستانه شوي دي. دې سازمان د پنجشنبې په ورځ، د جدي په ۲۷مه، په خپل رسمي خبرپاڼه کې اعلان وکړ چې د دې شمیرې ۶۷ سلنه یې په زوره افغانستان ته راستانه شوي دي. د مهاجرت نړیوال سازمان زیاته کړه چې سږکال له ایران څخه راستنیدونکو ۳۲۴۰۰۰ کډوالو ته بشري مرستې ورکړل شوې دي. دا مرسته د اروپايي ټولنې او نورو نړیوالو مرستندویانو په ملاتړ چمتو شوي دي.