روسیه له چین سره د مصنوعي هوښیارتیا د پراختیا په برخه کې همکاري کوي

د معمار پرس د خبر له مخې؛ د روسیې ولسمشر ولادیمیر پوتین له چین سره د مصنوعي هوښیارتیا په برخه کې د همکارۍ د پراخولو امر کړی دی. پوتین په دوام وویل چې د مصنوعي هوښیارتیا د راتلونکي په اړه به یوه ستراتیژیکه غونډه په روسیه کې جوړه شي. د ټاس د راپور له مخې، د پوتین د حکم له مخې، په پام کې ده چې دا غونډه د مصنوعي هوښیارتیا د ساحې د لا پراختیا په هدف په بنسټیزو او اکتشافي څیړنو تمرکز وکړي. د پوتین لخوا په وروستیو څرګندونو کې ویل شوي چې په لویدیځ ماډلونو کې جوړ شوي مصنوعي هوښیارتیا ممکن د “زینوفوبیا” لامل شي، او له همدې امله هغه په ​​روسیه کې پدې برخه کې پراختیا او څیړنې ته ځانګړې پاملرنه کوي.