عبدالله عبدالله: خلیل الرحمن حقاني له یوې نفوذي جهادي کورنۍ څخه و

د معمار پرس د خبر له مخې؛ عبدالله عبدالله د مهاجرینو او راستنیدونکو چارو وزرات پر سرپرست برید په کلکو ټکو وغانده او ویې ویل: خلیل الرحمن حقاني په افغانستان کې د یوې با نفوذه جهادي کورنۍ غړی و، چې د پخواني شوروي د یرغل پر وړاندې یې په جهاد کې مهم رول لوبولی و. په تېر حکومت کې د ملي مصالحې عالي شورا مشر پر خپله فیسبوک پاڼه لیکلي: “په خواشینۍ سره مو خبر ترلاسه کړ چې د کډوالو او راستنیدونکو چارو وزارت سرپرست الحاج خلیل الرحمن حقاني او زموږ یو شمیر هیوادوال د یاد وزارت په انګړ کې د ترهګریز برید په پایله کې شهیدان شوي دي.”