په جنوبي کوریا کې سیاسي کړکېچ؛ د حکومت د کابینې ډله ایزه استعفا

د جنوبي کوریا د ولسمشر یون سوک یول له خوا د مارشل حکومت له اعلان او له اپوزیشن سره د سیاسي کړکېچ د زیاتېدو وروسته، د دغه هېواد د کابینې ټولو غړو په ډله ییزه توګه د استعفا پرېکړه کړې ده. دا پرېکړه د اوسني سیاسي کړکېچ او د حکومت او مخالفینو ترمنځ د متقابلو تورونو په غبرګون کې شوې ده. د مارشل حکومت د لغوه کولو لپاره د پارلمان له رايې ورکولو وروسته وسله وال ځواکونه هم د پارلمان له ودانۍ وتلي دي.