د کډوالو په تنظیمولو کې د دایمي استوګنې پلان نشته

د معمار پرس د خبر له مخې؛ د ایران په پارلمان کې د دغه هیواد د کورنیو چارو د کمیسیون ویاند ولي الله بیاتي ویلي، چې موږ په ایران کې د مهاجرینو د دایمي استوګنې په اړه څه نه لرو. بیاتي وویل، په دغه پلان کې د اتباعو لپاره درې ډوله موقتي استوګنځي چې یو کال، درې کاله او احتمالاً اوه کاله په کې شامل دي په پام کې نیول شوي دي. هغه زیاته کړه چې په هیواد کې د پاتې کیدو او د کار ځواک په توګه د کار کولو لپاره، دا کډوال اړتیا لري چې د سوداګرۍ خاوندان دوی تضمین کړي.