د معمار خبري آژانس د راپور له مخې ؛ طالبانو په پنجشیر ولایت کې د ۱۱۶ میلیونه افغانیو په لګښت د یو نوی زندان د جوړېدو خبر ورکړی دی.
سیف الدین لټون ، په پنجشیر ولایت کې د طالبانو د والي ویاند اعلان کړی ، چې دغه زندان د بازارک په بهارک سیمه کې پر شاوخوا ۱۱ جریبه ځمکه جوړېږي.
د هغه په وینا، په دې تأسیساتو کې ۲۳ بلاکونه، نږدې ۱۰۰ خونې، مسجد ، د زدهکړو او مسلکي روزنې برخې او همدارنګه اداري څانګې شاملې دي.
دا پروژه په داسې حال کې پیل سوې چې طالبانو د واک له ترلاسه کولو وروسته د انجونو ښوونځي تړلي او ښځې یې له کار او فعالیتونو محرومې کړې دي.
