د نړیوال بانک وروستی راپور چې د منځني ختیځ، شمالي افریقا، افغانستان او پاکستان د اقتصادي وضعیت په اړه خپور سوی، ښايي چې په افغانستان کې سرانه ناخالص داخلي تولید ۵.۶ سلنه کم سوي دي.
په راپور کې ویل سوي چې د افغانستان د نفوس چټک زیاتوالی د اقتصادي ودې څخه وړاندې سوی او همدغه موضوع د هیواد په کچه د تورم د لوړیدو سبب سوې ده. نړیوال بانک همدارنګه د ایران او د منځني ختیځ د سیمې شخړې او کړکېچونه د «اقتصادي ټکان» په توګه یاد کړي چې د سیمې پر اقتصاد، په ځانګړي توګه پر افغانستان، فشار راوړي دي.
دغه ادارې ټینګار کړی چې اوسني شرایط د اقتصادي حاکمیت پیاوړتیا، د لویو اقتصادي بنسټونو ښه کول، دندې رامنځته کول او اوږدمهاله اقتصادي مقاومت زیاتوالی لپاره بیړنې اړتیا رامنځته کوي.
