په پنجشیر ولایت کې د طالبانو د معادن او پترولیم ریاست اعلان کړی چې تیر کال د دې ولایت له معادنو څخه د ۱۱۱ زره او ۷۵۰ قیراطو څخه زیات زمرد پلورل سوي دي.
د نوموړي ادارې چارواکو ویلي چې د دې مقدار زمردو ټول ارزښت نږدې ۳۲ میلیون او ۱۷۸ زره ډالره دي. دغه زمرد د پنجشیر د حصه اول او پریان ولسوالیو څخه ترلاسه سوي دي.
سیمه ایزو چارواکو ټینګار کړی چې د پنجشیر د زمرد معادن د دې ولایت له مهمو طبیعي سرچینو څخه شمېرل کېږي او استخراج او پلور یې په سیمه کې د عوایدو په ترلاسه کولو کې مهم رول لري.
